Хар багын сайн менежерийн үүрэг гүйцэтгэсэн ээжийнхээ ачаар урлагт орсон Т.Амина бүсгүй тун ч овжин нэгэн.

Тэрээр Улаанбаатар телевизээс жил бүр зохион байгуулж,  нялх оддыг бөөнөөр нь төрүүлэх болсон “Universe best songs” уралдааны анхны дугаарт оролцсоноор үзэгчдэд бага насны төрхөө эргэн сануулж эхэлсэн. Анхнаасаа л нүүрэмгий түргэнээрээ хэлэгдэж ам бардам байсан Т.Амина шилдэгт багтсанаас өөр шагналгүй хоцрохдоо хөмхий зуун шаралхаж шүүгчид юм ойлгодоггүй хэдий ч би бол ард түмний дуучин юм билээ гээд өөрийгөө өмгөөлөөд авсан. Харин сүүлийн үед тэрээр улс төрд санаархаж эхэлсэн аж. Бардам омголон  дуучин бүсгүй Монгол Ардын Намд гишүүнээр элссэн бөгөөд намын дэргэдэх “Нийгмийн Ардчилал” Монголын Оюутны Холбооны дэд Ерөнхийлөгчөөр сонгогджээ. Тэрбээр ирэх жил  СУИС-ийг төгсөх бөгөөд өөрийн амьдран суудаг дүүргийн ИТХ-д нэр дэвшихээр бэлтгэлээ базааж эхэлсэн гэнэ. Т.Амина улс төрч болж орхивол Балхжавын тэмцээний нэр хүнд улам бүр үнэд орох нь гарцаагүй.

shudarga