Дээд шүүхэд  бүртгэлтэй 24 нам Монголд бий ч, засгийн эрх мэдэл АН, МАН-ын дунд хадгалагдсаар 26 жил болж байгаа нь үнэн. Тэрчлэн Монголд улстөрийн гуравдагч хүчин байхгүй гэдгийг ч хаа хаанаа хэлж ярьдаг. Гэхдээ тэгээд зарим  жижиг намын удирдлагууд бусдаасаа арай илүү дуугардаг. Тэдний нэг бол МУНН-ын дарга Б.Батболд юм. Тэрбээр эрх барьж эхэлсэн МАН-ын үйл ажиллагаатай холбоотойгоор өөрийн байр сууриа илэрхийлжээ. Тэр хэлэхдээ “МАН-ын эрх баригчидаа бид 90-ээд оны эхэнд бол Монголчууд маань зах зээлийн тогтолцоо, ардчилалын тухай сураг төдий ойлголттой байсан бол одоо 2016 онд энэ тухай бүрэн ойлголттой болсон гэхэд нэг их хол зөрөхгүй биз ээ…  Зах зээлийн тогтолцоотой эдийн засаг хямралын үед тэр чиг баримжаа болгодог АНУ болон бусад барууны улсууд чинь голдуу л дэд бүтцийн том хөрөнгө оруулалт хийж ажлын байрыг олноор бий болгож байж л асуудлаа шийдэж байсан байдаг юм билээ. Мөн татвар нэмэх, ард иргэдийн гар дээрх  алт үнэт зүйлсийг хураах, газрыг нийгэмчилэх зэрэг бүтэлгүй оролдлогууд ч хийж л байсан байдаг… Хожим ОУВС, Дэлхийн  банк зэрэг нь эхний үе шигээ унасан сүйрсэн орны эдийн засгийг босгосон нь тун цөөн гэдгийг бас ойлгох хэрэгтэй, өнөөдөр Монголчууд асуудлаа мэдэх болсон энэ үед мэдрэл царайлж бусдаас будаа иддэг, бусдаар заалгадаг, зээл тусламж горьддог боолын сэтгэлгээнээсээ салах хэрэгтэй дээ. Бидэнд хангалттай нөөц боломж, боловсон хүчин байгаа шүү.  Айлаас гуйхаар авдраа уудал гэдэг үгийг санах цаг болжээ… Хамгийн энгийн арга бол мөнгө хэвлэ, тэгээд хувийн сектороо нүдээ аниад дэмж ,татвар нэмэх биш харин ч багасгах, ядаж л хугацааг нь хойшлуулах ..  .гэх мэтийн арга хэмжээ авах хэрэгтэй байх аа” хэмээн хэлсэн байна.