Олимпийн бүх цаг үеийн хамгийн олон удаагийн аварга Майкл Фелпс алтан медалийнхаа тоог ахиулсаар байна. Тэрбээр АНУ-ын шигшээ багийнхантайгаа 4х200 метрийн чөлөөт сэлэлтийн буухиад 7.00.66 минутын амжилтаар түрүүлснээр 21 дэх алтан медалиа энгэртээ гялалзууллаа.
Риогийн олимпийн наадамд Майкл Фелпс үүнээс өмнө 4х100 метрийн чөлөөт сэлэлтийн буухиа болон 200 метрийн эрвээхий сэлэлтийн төрөлд түрүүлээд байсан билээ.
Ингэснээр алтан медалийнхаа тоог 21-д хүргэж чадлаа.