Өнгөрсөн шөнө Бээжин хотоос Эрээн хот руу явж байсан зорчигч тээврийн автобус шатсан байна. Автобусанд 37 монгол иргэн явж байжээ. Гадаад харилцааны яамны эх сурвалж уг асуудлын талаар хэлэхдээ “40 орчим зорчигч тээвэрлэж явсны  дунд монголчууд байсан. Одоогоор зорчигчид гэмтэж бэртсэн талаарх мэдээлэл ирээгүй байна. Бээжин дэх Монголын ЭСЯ-ны Консулын газар энэ талаар мэдсэн” гэх мэдээллийг өгөөд байна. Харин албан бус буюу шатсан автобусанд сууж явсан зорчигчтой Монголоос холбогдсон эх сурвалжийн мэдээллээр бол автобус шөнө явж байхдаа араасаа шатжээ.  Шатах үед дотор нь  37 зорчигч байсан нь, бүгд монголчууд байжээ.Хамгийн сүүлийн хүн үсэрч буугаад л автобус нь дэлбэрсэн, 7  монгол иргэн паспортгүй, гутал, хувцасгүй үлдэж, автобус компанийнх нь ойролцоох буудалд оруулж өгсөн байдалтай байгаа аж