АНУ-ын Геологийн алба тус орны газар хөдлөлтийн үнэлгээний дүгнэлтээ шинэлэн гаргалаа. Үүний улмаас аюул занал дор байгаа хүмүүсийн тоог геофизикчид мэдээлэв. Тэд энэ тухайгаа Невада мжийн Рино хотод болсон сейсмологийн нийгэмлэгийн уулзалт дээр өгүүлжээ.
Тэдний илтгэлээр, тус орны төвийн болон зүүн хэсэгт долоон сая орчим хүмүүс газар хөдлөлтийн аюулын эрсдэл дор амьдарч байгаа ажээ. Өдөөгдсөн газар хөдлөлтүүд давтагдах магадлал ихтэй байгаа гэнэ.
Жишээлбэл, Охлахома мужийн төв, Канзасын өмнөд нутгаар жилийн дотор 4.5 магнитудаас их газар хөдлөх магадлал 5-12 хувьтай байна. Техас, Арканзас, Колорадо, Нью-Мексико, Огайо, Алабама мужуудад ч газар хөдлөх аюул байгаа ажээ. Өдөөгдсөн газар хөдлөлтийн ихэнхийг фрекинг гэх хүчтэй даралтын усаар газрын тавцанг хагалан нефть, хий олборлох ажиллагаа гаргадаг аж. Газрын чичирхийллийг ажиллагаа нь хэдэн цаг үргэлжлэх фрекинг өөрөө өдөөхгүй харин энэ үеэр шахагдсан ус нь өргөн, аюултай газрын хагалбаруудад дарамт үзүүлдэг ажээ. Эдгээр олборлолтын үеэр Канзас мужид 4,8 магнитудын газар хөдлөлт бүртгэгдсэн ба мужийн захиргаа фрекингид хязгаарлалт тавьсны дараа газрын чичирхийллийн идэвх 40-50 хувиар буурчээ.
Судалгаанд хамрагдсан нутаг орны зам, барилга байшин нь таваас дээш магнитудын газар хөдлөлтийг даахгүй хэмээн хэмээн эрдэмтэд хэлцгээв. Мөн тэд ердийн болон хиймэл газар хөдлөлтийг сайтар ялгаж чаддаг болсон гэнэ.

Эх сурвалж: