“Sound of kiss” охидын хамтлагаар бие хаагаа гайхуулан гарч ирсэн дуучин Мино нэгэн үе Дамбын Хишгээгийн хүү Х.Энхжинтэй сүр дуулиантай хуримаа хийж гал голомтоо бадраасан.
Гэвч залуу хосууд гуравхан сарын дараа хамтын амьдралдаа цэг тавьсан юм. Анхны нөхрөөсөө салсанаас хойш хошин урлагт хэсэг хугацаанд зүтгэж байгаад нам гүм болсон тэрээр өмнө нь үерхэж байсан залуутайгаа нийлж хөөрхөн хүүгийн ээж болсон. Үрийн зулай үнэрлэж хэсэгтээ л олны нүднээс далд байсан Мино өдгөө “Эмоци” продакшны жүжигчин болсон бөгөөд шинэ дуугаа гаргаж клипжүүлээд авсан. Цахим ертөнцөд ч идэвхитэй хэрэглэгчийн нэг бөгөөд саяхан нэгэн бухимдсан байдалтай санал бодлоо илэрхийлжээ. Тэрээр “Нэг ээжлийн оймс гэдгээ мэдэхгүй оодрох охид Монголоор дүүрэн болж. Хөөрхий дөө, өрөвдмөөр ч юмаа даа. Ямар ирээдүй хүлээж байгаагаа мэдэхгүй л байгаа байх даа, зайлуул. Хүний өмнөөс нүүр улайх чинь яасан эвгүй юм бэ” хэмээн бичжээ. Магадгүй тэрбээр өөрийн туулж өнгөрүүлсэн амьдралын гашуун туршлага, алдаа оноонд тулгуурлан ийнхүү дүгнэсэн ч байж болох биз ээ.

Эх сурвалж: Шуурхай.мн