Эцэг эхийн хараа хяналт сул бага насны хүүхдүүд газ үнэртэж мансуурах явдал сүүлийн үед гарсаар байна. Тэгвэл Сүхбаатар дүүргийн наймдугаар хорооны “Өргөө-2” кино театрын бие засах газарт насанд хүрээгүй хоёр хүүхэд газ үнэртэж байжээ. Тодруулбал, Чингэлтэй дүүргийн 11 дүгээр хороонд оршин суух хаягтай 14 настай, эрэгтэй А, мөн дүүргийн 19 дүгээр хороонд оршин суух 14 настай, эрэгтэй О нар ахуйн хэрэглээний газ үнэрлэж байсныг дуудлагын дагуу ирсэн цагдаагийн алба хаагчид илрүүлсэн байна. Тус хэргийг Сүхбаатар дүүргийн цагдаагийн нэгдүгээр хэлтэст шалгаж эхэлжээ.

Эх сурвалж: Шуурхай.мн