Улаанбаатар-Дорнод чиглэлд хот хоорондын зорчигч нийтийн тээврийн үйлчилгээг өнөөдрөөс эхлэн өдөрт гурван удаа явуулахаар болжээ.

Тодруулбал, өглөө 08.00, өдөр 13.00, орой 18.00 цагуудаас тээвэрлэлт гүйцэтгэх бөгөөд энэ хуваарь хоёрдугаар сарын 14-нийг дуустал үргэлжлэх юм байна. Сар шинийн баяртай холбоотойгоор иргэдийн хөдөлгөөн ихтэй байгаа тул ийнхүү нэмж байгаа гэж Автотээврийн үндэсний төвөөс мэдээллээ.