Шведэд хүний амь хөнөөсөн Монголын иргэн, “S&I” хамтлагийн дуучин С.Бат-Отгонд Стокхольм хотын шүүх 12 жил хорих ял оноов. Энэ мэдээг өнөөдөр нийтэлсэн “Aftonbladet” сонин, “Шүүх түүнийг тус улсаас эргэж орох эрхгүйгээр албадан гаргахаар шийдвэрлэсэн” гэж бичжээ. Энэ нь ялаа эдэлсэний дараа түүнийг Шведээс гаргах тухай хэлсэн бололтой. Өнөө жил 29 настай С.Бат-Отгон өнгөрсөн оны зургадугаар сарын 11-нд Шведийн иргэн 19 настай Ребер Шарифыг хутгалж амь насыг нь хөнөөсөн бөгөөд хэрэг гарсан өдөр баривчлагдсан байна