Сүүлийн үед манай улсад онц ноцтой гэмт хэргүүд гарах болсон. Тэрээр энэ сарын 7-ны өдөр Сонгинохайрхан дүүргийн 22 дугаар хороонд ой зургаан сартай охиныг барьцаалахыг завдсан хэрэг гарчээ. Гэмт хэргийг үйлдэгч буюу барьцаалагч нь 29 настай Г гэх эмэгтэй байсан бөгөөд хохирогчийн гэр бүлийг гурван сарын турш судалж байж энэ хэргээ үйлдсэн хэмээн мэдүүлсэн байна. Тэрээр гэмт этгээд хохирогчийн гэрт эмч болж жүжиглэн орж хүүхдийг нь үзнэ гэж аваад хацрыг нь зүсч айлган сүрдүүлсэн байна. Улмаар “Энэ бол дөнгөж эхлэл. Гурван цагийн дотоо “зүрх бүхний төлөө” ТББ-ын дансанд 100 сая төгрөг хий. Үгүй бол хүүхдэд чинь аюул учирна” гэж сүрдүүлсэн захидал үлдээгээд явсан гэнэ. Энэ хэргээс болж хохирогчид айсандаа хамгаалагч хүртэл хөлсөлж авчээ.

Эрүүгийн цагдаагийн газраас мөрдөн шалгалт хийхэд хэрэгтэн Г нь олсон гээсэн бичиг баримт төвлөрүүлдэг цэгээс авсан үнэмлэхээр “Юнител”-ийн дугаар худалдаж авсан байна. Тэрээр энэ дугаараар хохирогчтой ярьж сүрдүүлж байжээ. Мөн “Зүрх бүхний төлөө” ТББ-тай хүртэл хуйвалдаж, мөнгөө хэрхэн авах тухай тохиролцсон байсныг тогтоожээ. Одоогоор түүнийг ШШГЕГ-ын харьяа цагдан хорих 461 дүгээр ангид саатуулан, эрүү үүсгэн шалгаж байгаа аж.

Нийгэм хөгжихийн хэрээр иргэдийн сэтгэл зүйд нэлээдгүй өөрчлөлт орж байгаа бололтой. Магадгүй энэ бүхэн ядуурал, эдийн засгийн хямралтай ч холбоотой байж болох юм. Эсвэл хэт гадны улс орны мэдээлэл болон гадаад кино их үзсэнтэй ч холбоотой байж болох. Хүний санаанд ч багтамгүй гэмт хэргүүд гарсаар олон нийтийг цочирдуулсаар байгаа нь эмгэнэлтэй.

Эх сурвалж: Шуурхай.мн