УИХ-ын чуулганы хуралдаанд Ерөнхий сайд Ч.Сайханбилэг Эдийн засгийн ил тод байдлыг дэмжих тухай хуулийн талаар мэдээлэл хийлээ. Ерөнхий сайд мэдээлэлдээ “Засгийн газраас эдийн засаг, татварын орчныг сайжруулах зорилгоор татварын шинэчлэлийн арга хэмжээг үе шаттай хэрэгжүүлж байна. Үүний нэг жишээ бол Эдийн засгийн ил тод байдлыг дэмжих тухай хуулийг өнгөрсөн наймдугаар сарын 7-ны өдөр баталсан. Тус хуулийн зорилго нь хувь хүн, хуулийн этгээд бүртгэлээс гадуурх нуун дарагдуулсан хөрөнгө, орлого, үйл ажиллагаагаа сайн дураараа ил болгон мэдүүлсэн тохиолдол хариуцлагаас нэг удаа чөлөөлөгдөх юм.

Хуулийн хэрэгжилтийн талаар иргэдэд мэдээлэл хүргэх, иргэдтэй харилцах холбогдох зорилго бүхий үндэсний татварын албаны ILTOD.MTA.mn цахим хуудсыг ажиллуулж байна. Мөн хуулийн хүрээнд нуун даргадуулсан хөрөнгө, орлогоо тайлагнах мэдүүлэхэд шарадагдах санхүүгийн, татварын нийгмийн даатгалын тайлангийн маягтуудыг боловсруулан гаргалаа. Тус хуулийн хэрэгжилт энэ сарын 7-ний өдрийн байдлаар 3.501 тэрбум төгрөгийн орлого шинээр бүртгэгдэж, Эдийн засгийн ил тод байдлыг дэмжих тухай хуулийн 4 дүгээр зүйлийн дагуу 578.7 тэрбум төгрөгийн татвар болон 173.9 төгрөгийн торгуулиас чөлөөлөгдөж байна. Энэхүү хөрөнгө, орлогыг ил болгохтой холбоотойгоор иргэд, аж ахуй нэгжүүд 674 санхүүгийн тайлан, 5789 татварын тайлан, 254 нийгмийн даатгалын тайлан, 254 гаалийн нөхөн мэдүүлгийг холбогдох байгууллагад хүргүүлж давхардсан тоогоор 114 төрлийн эд хөрөнгийн, 130 хуулийн эьгээдийн бүртгэлд нэмэлт , өөрчлөлт оруулаад байна” гэлээ.

Д.ЖАРГАЛ

Zaluu.com