“Эх дэлхийн мисс” буюу “Miss Earth”-т Монгол улсыг төлөөлөн А.Баярцэцэг оролцож байгаа. Австрийн Венец  хотноо болж буй тус тэмцээнийг 2001 оноос зохион байгуулж эхэлсэн бөгөөд эх дэлхийгээ хайрлан хамгаалах, хүүхэд залуучуудад экологийн мэдлэг боловсрол олгох, улс эх орноо дэлхийд сурталчлан таниулах зорилогтой байдаг. Эх орноо төлөөлөн оролцож буй А.Баярцэцэгийн хувьд тэмцээний шүүгч, шүүмжлэгч нараас нэлээд өндөр үнэлгээ авч, шилдэгүүдийн эгнээнд багтаж байгаа юм. Тэгвэл А.Баярмаа эцсийн шалгаруулалт болох “Будаггүй ярилцлага” төрөлд оролцож байгаа тухайгаа цахим хуудаснаа нийтэлжээ. Тэрээр “Миссийн тэмцээнд оролцож байгаа учраас ихэнх хүмүүс нүүр будагтай, гоё сайхан ганган хувцас өмссөнөөр төсөөлж байгаа байх. Гэхдээ эх дэлхийн дайчин эмэгтэйн хувьд бид үүнээс ч илүү. Эх дэлхийн миссийн тэмцээний урьдчилсан шалгаруулалтууд дуусч маргааш эцсийн шийдвэрлэх шалгуур буюу шүүгчидтэй хийх будаггүй нүүр тулсан ярилцлага үлдлээ. Бид гоё ганган хувцасгүй, элдэв сайхнаар будалгүйгээр царайгаар биш зүрх сэтгэлээрээ уралдах шалгуур маань ирлээ. Бид хэн болох юунд зорьж тэмүүлж яваагаа хэлэх агшин. Энэ бол би, найзууд багш нартайгаа 8 жил мод тарьж байхдаа байсан төрх, хөдөө баримтат киногоо хийхээр хоёр сар нүүдэлчин ахуйд суралцаж мал хариулж амьдарч байхдаа байсан жинхэнэ төрх. Энэ бол жинхэнэ би. Монгол хүн болж төрсөндөө бахархдаг—бид бол эх дэлхийн эмэгтэйчүүд” хэмээжээ. Ямартай ч Монголын гоо бүсгүй болсон А.Баярмаадаа илүү их амжилт хүсье. Түүний будаггүй төрх жинхэнэ Монгол эмэгтэйн төрх байгааг цахим хэрэглэгчид онцолцгоож байна.

Эх сурвалж: Шуурхай.мн