“Boom town” хамтлагийн дуучин Б.Тамир жүжигчин аав, ээжийнхээ авьяасыг өвлөж, УДЭТ-т данстай болоод багагүй хугацаа өнгөрч байна.  Тэрээр аав ээжийнхээ зөвшөөрөлгүй жүжигчний мэргэжил эзэмшээд зэмлүүлж байсан ч “Гэгээн муза” наадмаас шилдэг туслах дүрийн шагнал авч өөрийнхөө хэр авьяастайг харуулаад амжсан.
Тэрбээр анхны эхнэрээрээ “Sound of kiss” хамтлагийн дуучин Г.Золзаяаг сонгож дэр нэгтгэсэн бөгөөд төдөлгүй хөөрхөн охины эцэг, эх болцгоосон. Гэсэн ч тэдний амьдрал удаан үргэлжлээгүй бөгөөд хосууд хамтын амьдралдаа цэг тавьж, жүжигчин Б.Тамир шинэ эхнэрээ удалгүй олонд танилцуулж байсан. Тэрээр хоёр дахь амьдралаа жүжигчин Н.Мөнхсоёлтой эхлүүлж шар хэвлэлээр гурвалжин хайрын хэрүүл хэсэгтээ л тасраагүй. Тэгвэл хэл ам, дуулиан шуугиантай хоёр дахь амьдралаа эхлүүлсэн Б.Тамир, Н.Мөнхсоёл нар мөн л салсан. Энэ тухай жүжигчин Б.Тамир “Дахиад л сайн таньж мэдээгүйгээсээ болж саллаа. Дахиж хүнд итгэхгүй байх аа. Итгэл минь дууссан” хэмээн өөрийн цахим хуудаснаа бичиж байсан удаатай. Тэгвэл хүүхний тэнгэртэй сэргэлэн залуу маань дахин хөөрхөн бүсгүйтэй учир ургуулсан бололтой.  Түүний шинэхэн найз бүсгүйг Э.Номин гэдэг бөгөөд загвар өмсөгч бүсгүй юм байна. Тэрээр Б.Тамирын шинэ амраг нь өөрийн цахим хуудаснаа “Би чамайгаа олсоон. Зөндөө их хайрыг чинь үгүйсгэж байсан бол уучлаарай. Чамдаа би маш их хайртай” хэмээн хамтдаа авахуулсан зургаа нийтэлжээ. Түүний бичсэнийг уншихад жүжигчин Б.Тамир шинэхэн хайрынхаа араас нэлээдгүй гүйсэн бололтой.

Эх сурвалж: Шуурхай.мн