Монголын Үндэсний сагсан бөмбөгийн холбооны “Супер лиг”-ийн тэмцээний 2015-2016 оны улирал эхлэх гэж байна. Энэ удаагийн тоглолтууд арваннэгдүгээр сарын 21-нд эхлэх байсан ч дасгалжуулагчид “бэлтгэл ажил бүрэн хангагдаагүй байгаа учир хойшлуулж өгнө үү” гэсэн хүсэлт гаргасан. Дээр хүсэлтийг хүлээн авч долоо хоногоор хойшлуулж, энэ сарын 28-нд эхлэхээр болсон.

Шинэ улирлын нээлтийн тоглолтууд энэ сарын 28-ны бямба гарагaт Хандгайт дахь Үндэсний сагсан бөмбөгийн ордонд явагдана. Харин найман баг оролцохоор албан ёсоор мэдүүлгээ өгсөн бөгөөд гурван тойрог тоглох бөгөөд хасагдах шатанд зургаан баг үлдэхээр шийдвэрлэсэн байна.

2015-2016 оны улиралд “Их-Өргөө Аравтууд”, “Мон-Алтиус”, “Лидер”, “Дорнод Татан Гарьд”, “Альянс Тех Харцага”, “Ирвэс”, “Төв аймгийн Төв Ургац”, “SBL Хасын Хүлгүүд” гэсэн багууд тоглох юм.

Г.Төмөр