antalya rent a car sesli chat ordu haberleri antalya rent a car
antalya haberleri
Nov 17, 2015 6 comments

Шинэ Үндсэн хууль батлах гэж байгаа юм биш үү

нийтлэсэн Admin

УИХ-ын гишүүн Н.Батбаяр нарын өргөн барьсан Үндсэн хуульд нэмэлт өөрлчлөлт оруулах асуудал энэ долоо хоногийн хамгийн чухал асуудал болж хувирлаа.

Уг хуулийн төслийг дагалдуулан өргөн барьсан Ард нийтийн санал асуулгын тухай хуулийг маргааш чуулганы хуралдаанаар хэлэлцэнэ. Хэрэв гишүүдийн гуравны хоёр нь бүх нийтийн санал асуулга явуулах нь зүйтэй гэж үзвэл “Үндсэн хуулиа өөрчлөхийг дэмжих үү” гэж асууна. Энэ санал асуулга явуулахаасаа авахуулаад л Үндсэн хуулиа өөрчлөх асуудал олон анхаарлыг татаж байна. Хэдийгээр дээрх хуулийн төслүүдэд 40 гаруй гишүүд гарын үсэг зурсан ч гэсэн зарим намын бүлэглэлүүд цаг хугацааны хувьд амжихгүй гэсэн байр суурийг илэрхийлсээр өдий хүрлээ.

Учир нь Үндсэн хуульд өөрчлөлт оруулах асуудлыг сонгууль болохоос зургаан сарын өмнө хийсэн байх шаардлагатай юм. Тиймээс энэ арванхоёрдугаар сардаа багтааж энэ асуудлыг эцэслэх ёстой.

Хамгийн сонирхолтой нь УИХ-ын гишүүн Н.Батбаяр нарын гишүүдийн өргөн барьсан Үндсэн хуульд нэмэлт, өөрчлөлт оруулах тухай хуулийн төслийг нэмэлт, өөрчлөлт хийж байна гэж нэрлэхэд учир дутагдалтай байна. Тодруулбал, гишүүд зоригтой өөрчлөх ёстой гэсэн “дарцаг” дор нэгдээд Үндсэн хуулийнхаа 50-60 хувьд нь өөрчлөлт оруулахаар төлөвлөсөн. 50-иас дээш хувьд нь өөрчлөлт оруулсан тохиолдолд нэмэлт, өөрчлөлт хийсэн биш хууль шинээр бичсэн гэж үздэг хуультай. Тиймээс Н.Батбаяр гишүүн Үндсэн хуулийг шинээр зохиож бичсэнээс өөрцгүй зүйл болж байгаа юм.

Мөн дээрх өөрчлөлт хийгдсэн тохиолдолд Үндсэн хуулиас салбарлаж гарсан бүх дагалдах хуулиудад нэмэлт, өөрчлөлт оруулах болно. Үндсэн хууль нь оршил, 6 бүлэг, 70 зүйлтэй ч хэмжээнээс давсан өргөн хүрээ, гүн агуулгатай гэдгийг мартаж болохгүй. Үндсэн хуулийн нэмэлт, өөрчлөлтийн ямар ч төсөл нь Үндсэн хуулийн үндсэн бүтэц, суурь үзэл баримтлалд нийцсэн, харшлахгүй байх ёстой.  Үндсэн бүтэц, суурь үзэл баримтлалыг өөрчлөх буюу Үндсэн хуулийн нийт 70  зүйлийн 35, түүнээс дээш хувьд өөрчлөлт, нэмэлт оруулахаар байвал тухайн төслийг нэмэлт, өөрчлөлт гэж үзэхгүй, энэ нь Үндсэн хуулийг бүхэлд нь өөрчлөх, хянан үзэх тусдаа асуудал болно.

Үндсэн хуулийн дараах өөрчлөлтүүдийг оруулахаар уг хуулийн төсөлд тусгажээ.

-Үндсэн хуулийг Эх хууль хэмээн нэршлийг өөрчлөх,

-Засгийн газрын гишүүдийн гуравны нэгээс дээшгүй нь УИХ-ын гишүүн байж болно,

-Ерөнхийлөгчийг ард нийтийн сонгуулиар биш УИХ-ын гишүүд, аймаг, Улаанбаатар, Дархан, Эрдэнэт хотын ИТХТХ-ын дарга нарыг оролцуулсан бүрэлдэхүүнтэйгээр хэлэлцэж, нууц санал хураалтаар олонхийн санал авсан хүнийг Ерөнхийлөгчид сонгогдсон гэж үзэн бүрэн эрхийг нь хүлээн зөвшөөрсөн хууль гаргана,

-Засгийн газар есөн яамтай байна,

-Ерөнхий сайд Засгийн газрын гишүүдээ томилсон, чөлөөлсөн, огцруулсан шийдвэрийг Ерөнхийлөгчид толилуулж, УИХ-д танилцуулснаар уг шийдвэрийг батламжилсан УИХ-ын тогтоол батлагдсанд тооцно,

-УИХ-ын нийт гишүүдийн олонх нь Ерөнхий сайдыг огцруулж, шинэ Ерөнхий сайдыг томилох тухай саналыг хамтад нь албан ёсоор тавибал УИХ уг асуудлыг гурав хоногийн дотор хэлэлцэх бөгөөд олонхийн саналаар дэмжсэн бол шинэ Ерөнхий сайдыг томилсон, өмнөх Ерөнхий сайдыг огцруулсан тухай УИХ-ын тухай тогтоол батлагдсан тооцно,

-Улсын Дээд шүүхийн шүүгчдийг Шүүхийн ерөнхий зөвлөлийн санал болгосноор УИХ, бусад шүүхийн шүүгчдийн томилгоог Ерөнхийлөгчийн зарлигаар хийнэ, Ерөнхий шүүгчийг Дээд шүүхийн шүүгчид дотроосоо гурван жилийн хугацаатай олонхийн саналаар батална,

-Улсын Ерөнхий прокурорыг Ерөнхий сайд нэр дэвшүүлж, УИХ-ын зөвшөөрснөөр, Ерөнхийлөгч зарлиг гарган зургаан жилийн хугацаатай томилно,

-УИХ-ын гишүүдийн тоог нэмэгдүүлж 99 болгох,

-УИХ-ын бүрэн эрх таван жил байх,

-УИХ-ын дэд даргыг гишүүдийн дотроос саналаа нууцаар гарган сонгодог байх,

-ИТХ-ын сонгуульд улс төрийн нам нэр дэвшүүлж оролцохгүй, харин баг, хорооны иргэдийн хурлаас сум, хотын ИТХ-ын төлөөлөгчдийг, сум, хотын ИТХ-аас аймгийн ИТХ-ын төлөөлөгчдийг сонгож, ИТХ-ыг байгуулах,

-Аймаг, Улаанбаатар, дархан, Эрдэнэт хотын Засаг даргыг Ерөнхий сайд, баг, хорооны Засаг даргыг сум, хотын Засаг дарга томилж, чөлөөлөх,

-Ерөнхийлөгчийн эрхэд одоо хадгалагдаж байгаа Засгийн газарт чиглэл өгөх, Үндэсний аюулгүй байдлын зөвлөлийг тэргүүлэх заалтыг хасах,

-Үндсэн хуулийн цэцийн гурван гишүүнийг Ерөнхийлөгчөөс санал болгож байгааг хасч, Ерөнхий сайдаас санал болгох.

Г.Лхагваа


Манай сайт танд таалагдаж байвал LIKE хийгээрэй. Танд баярлалаа.

Холбоотой мэдээ

No Related Posts

6 Comments

  • baza (November 17, 2015 9:39:19 am )

    ene unen teneg huuli bn portuna bolioche malaa buur mal gehed ternees doloo ni dor amitan

  • zochin (November 17, 2015 10:39:49 am )

    ene odoo yu be. undsen huuliar ingej toglohgui ee nohor min. oor hiih ajilgui yum uu.

  • Мөнх (November 17, 2015 1:51:17 pm )

    1992 онд баталсан Монгол улсын үндсэн хуулийг Зүрх нь Монголоо гэж цохилдог хүмүүс улс үндэстнийхээ түүхэн хөгжлийн арвин их туршлага, мэдлэг, өв уламжлал, эрх зүйн чадамж мэдлэгтээ тулгуурлан Монголоо хөгжүүлэхийн тулд ёстой л нойр хоолоо умартан байж баталсан. Тэрхүү хуулинд оруулсан эхний нэмэлт өөрчилөлт “Дордохын 7-н өөрчилөлт” болсныг Монголчууд мартаагүй л байгаа. Одоогийн нэмэлт өөрчилөлт оруулахыг санаархаад байгаа хүмүүс нь хэн билээ дээ. Даанч өнгөрсөн 25 жилийн түүхэн дэх хамгийн арчаагүй, чадамжгүй, зөвхөн өөрсдийнхөө л эрх ашгийг бодсон хүмүүс шүү дээ. Хүсээд, яриад байгаа нэмэлт өөрчилөлтүүд нь Монголчуудыг шууд л багалзуурдаад авах санаатай юм шигээ

  • Мөнх (November 17, 2015 1:52:00 pm )

    Санал асуулгад иргэд дэмжихгүй гэсэн хэсгийг л дугуйлах хэрэгтэй. “Дэмжинэ” гэвэл Н.Батбаяр тэргүүтэй нөхдүүд Үндсэн хуулинд оруулах гэж зүтгээд байгаа одоогийн өөрчилөлтүүдээ оруулж Ерөнхийлөгчийн эрхийг хасаж ерөнхий сайдыг хязгааргүй эрх мэдэлтэй болгох болно. Энэ нь нэг нам, тэр тусмаа нэг ерөнхий сайд л хязгааргүй эрх мэдэлтэй болож дураараа дурьгана гэсэн үг шүү дээ. Ерөнхийлөгчөө ялсан нам нь өөрсдөөсөө сонгоно. Ерөнхий шүүгчийг өөрсдөөсөө сонгоно. Ер нь бүх томилгоог ялсан нам л, ялсан намын дарга л шийдэх болоод байна шүү дээ

  • Ard (November 17, 2015 2:03:07 pm )

    Ene 76 gishuun undsen huuliar oroldoh. Zugeer Uu ?! Tee ?! Tiim. Surhii. Em bol ene tur barij. Bui. Hugtsaand. Uls. Oron ingej. DampuuralAa. Zarlah yy?,! Odoo. GOLOMTII. NI. Samraya ?! Samraya ?,! Gej. Baih. Shiv ?! Ene Bol ard bidniii. Songoson. Songolt. .!

  • bantan (November 17, 2015 2:05:08 pm )

    Хэмжээгүй эрхт хаант засаг гэдэг шиг хэмжээгүй эрхт Уих,намын тогтолцоотой шахуу болохыг хүсээд байгаам биз дээ.

antalya rent a car