“Эрдэнэс тавантолгой” ХХК-ийн ҮЭ-ийн дарга С.Эрдэнэ сэтгүүлчдэд мэдээлэл хийх үеэр өөрийгөө шатааж төрд бухидаж буйгаа илэрхийлсэн. Тэрбээр компанийнх нь удирдлагууд ажилчидаа шилжүүлэх гэрээг дур мэдэн хийж, олон нийтэд ташаа мэдээлэл өгсөн. Мөн 200 гаруй ажилтанаа шилжүүлэх нэрийдлээр цомхотгох байгааг эсэргүүцэн ийнхүү өөрийгөө шатаасан юм. Одоогоор С.Эрдэнэ 1, 2, 3-р зэргийн түлэгдэлттэй, сэхээн амьдруулах тасагт эмчлүүлж байгаа. Тэрээр өрийгөө шатаасан С.Эрдэнийг санаатайгаар амиа хорлохыг завдаж, гал гаргахыг хориглосон газар ил гал гаргасан гэх шалтгаанаар эрүүгийн хэрэг үүсгэн шалгаж байгаа тухай мэдээлэл цацагдаад байсан. Тэгвэл энэхүү мэдээллийг цагдаагийн байгууллага үгүйсгэж харин “Эрдэнэс тавантолгой” ХХК-ийн удирдлагуудыг шалгаж эхэлсэн гэв. Тэрээр Монгол Улсын Эрүүгийн хуулийн 95.1-д зааснаар С.Эрдэнийг хохирогчоор тооцон, мөрдөн байцаалтын ажиллагаа үргэлжлүүлж байна. Эрүүгийн хуулийн  95 дугаар зүйлд “Бусдыг амиа хорлоход хүргэх” гэсэн заалт бий.  95.1-д “Эд хөрөнгө, албан тушаалын болон өөр байдлаар эрхшээлдээ байгаа болон өөр бусад хүмүүстэй харгис хэрцгий харьцсан буюу нэр төр, алдар хүндийг нь байнга гутаан доромжилсны улмаас хохирогч амиа хорлосон бол хоёроос таван жил хүртэл хугацаагаар хорих ял шийтгэнэ” гэж заасан байдаг байна.

Эх сурвалж: Шуурхай.мн