Зохиолын дуучин С.Жавхлан Гавьяат жүжигчин болсонд битүүхэн атаархсандаа дуучин Д.Болд хэрхэн түүнийг С.Жавхланг давж гарах тухай өдрийн бодол, шөнийн зүүд болсны хүчинд Төрийн соёрхол авч санаагаа нэг амраав. Тэрбээр өнгөрсөн хоёр жилийн хугацаанд улс төрөөр дамжин өөрийн санаа бодолдоо хүрэхийг эртнээс бодож төлөвлөсөн байна. Ерөнхийлөгчийн 2009 оны сонгуульд Ц.Элбэгдоржийг дэмжин хүргэн Quiza-гаа дагуулан явсны хүчинд тэд овоо хэдэн төгрөг халааслаад зогсолгүй Д.Болд Ерөнхийлөгчийн залуучуудын зөвлөх болсон сурагтай. Үүгээрээ дамжуулан төрийн шагнал авах замаа засч ДБЭТ-т нээлтээ хийх гэж байсан “Монгол поп” цомгийнхоо нээлтийг Төрийн ордонд хийх санаагаа нам, улс төрөөр дамжуулан өнгөрсөн оны тавдугаар сард хийгээд Ардын хувьсгалын 90 жилийн ойгоор төрийн шагнал авахаар тохирсон байсан хэдий ч хэвлэл мэдээллийн шуугиан дэгдсэнээс болж тэрбээр Улс тунхагласны баяраар төрийн шагналаа авчээ.

Саяхан дуучин Д.Болд хэдэн найзуудтайгаа ярилцан суухдаа “Монголд олигтой банзан гитар татчихдаг гитарчин байхгүй. Өөжгий мэтийн улсууд ярихаас цаашгүй” хэмээн томроод авчээ. Түүний биеэ тоосон байдал, мөнгө дагасан амьдрал хэрээсээ хэтэрч тэрбээр нэг арга хэмжээн дээр нэг дуугаа 1 сая 500 мянгаар үнэлж Монголд байхгүй ханш тогтоогоод байна. Түүний эцсийн мөрөөдөл бол зах нь харагдахгүй фэнүүдийнхээ өмнө дуулахыг хүсдэг тухайгаа нэгэн хөгжмийн сувгаар ярьсныг бодоход түүний шуналд хязгаар үгүй юм.
Г.Заяа wikimon