Шинэ он гарч, сонгуулийн жил эхэллээ гэдгийг зарлаж байх шиг. Намуудаас нэр дэвшигчдийнхээ түүчээг гаргаж эхэлжээ. Тухайлбал, МАХН-ынхан МУГЖ С.Жавхлан, Их аварга Д.Дагвадорж, бадарчин Амай нарыг нэр дэвшүүлэхээр болоод байгаа сурагтай. “Энэ цагийн эгэл баатар” цол тэмдгээр энгэрээ мялаасан дуучин С.Жавхланг Увс аймгаас нэр дэвшүүлэх бол Их аварга Д.Дагвадоржийг Өвөрхангайд хүч үзнэ хэмээж байгаа гэнэ. Харин дэвэн дэлхийгээр хэрэн хэсч, юм үзэж нүд тайлсан бадарчин Амайг нийслэлийн аль нэг дүүрэгт тавихаар зэхэж байгаа гэх. Ямартай ч нэр дэвшигчдийн түүчээ гарч эхэлсэн нь энэ мэт явган ярианаас мэдрэгдэж эхлэв бололтой.