Олон удаа салж нийлсэн холливудын хамгийн залуу хосууд Жастин Бибер, Селена Гомез нарын харилцаа бүрэн дууссан билээ. Селена Гомезтой эргэн нийллээ хэмээн шуугиан дэгдээж байсан Жастин Бибер тун ч удалгүй сонирхлоо өөрчилсөн. Тэрээр Бибер реалити шоуны од Ким Кардашианы дүү, загвар өмсөгч Кендел Женнертай хайрын раманс үүсгээд байгаа. Тэр ч бүү хэл хосууд удахгүй гэрлэх гэж байгаа сураг дуулгаад амжсан. Тэрээр энэ талаар дуучин залуу өөрийн инстаграмдаа Кенделтэй авхуулсан зургаа байршуулаад “Миний ирээдүйн гэргий. Гэхдээ миний саналд хариу өгөөгүй байгаа“ хэмээн бичиж байсан. Харин үүний дараа Кендел “Аль хэдийнээ зөвшөөрсөн шүү дээ” гэж жиргэсэн байна. Ямартай ч хосууд тун удахгүй хуримын зар тараах нь баттай болсон. Хэдийгээр гэрлэх бүсгүйгээ олсон ч дуучин Бибер өмнөх найз бүсгүй Селена Гомезын тухай нэгэн хэвлэлд ийн ярьжээ. Тэрээр “Үнэхээр хэцүү байсан. Тэр үеийг яаж даван туулсанаа ч мэдэх юм алга. Бид одоо тус тусын замаараа амьдарч байна. Түүнийг хайрлаж, түүнд бүхнээ зориулахыг хүсч, заримдаа бүр түүнийг санах ч үе байсан. Миний анхны жинхэнэ хайр байсан. Миний хайрладаг хүмүүс өөр хүмүүстэй хамт байхыг харах надад муухай санагддаг. Гэхдээ би Селенаг аз жаргалтай байгаасай л гэж хүсч байна. Намайг чин сэтгэлээсээ хайрладаг байсныг мэднэ. Хэдийгээр бид салсан ч, найзын харилцаагаа таслахыг үнэндээ хүсэхгүй байна. Бид үргэлж л нэг нэгийгээ хүндэтгэж ирсэн” хэмээн ярьжээ.
Эх сурвалж: Шуурхай.мн
Холбоотой мэдээ
Comments are closed.