Монголын ихэнхи аймгууд руу хар зам тавигдаж хот хооронд том оврын автобус явах болсон. Тиймээс иргэд өндөр үнэ төлж онгоцоор зорчихоос илүүтэйгээр хямд үнээр автобусаар зорчиж эхэлжээ. Үүнтэй холбогдуулж агаарын тээврийн компаниуд зорчигчгүй онгоцоор нислэг үйлдэж алдагдалд орох болсон байна. Тиймээс жуулчид ихтэй зуны улиралд аймаг руу онгоц нисгээд, бусад үед нислэгээ зогсоох болжээ. Тухайлбал, Хөвсгөл аймаг руу өнгөрөгч зун нислэг үйлдэж байсан бол өнгөрсөн долоо хоногоос зогсоолоо. Учир нь Мөрөн-Улаанбаатар чиглэлд өдөр бүр унтлагын зургаан автобус тогтмол явж байгаа. Мөн Улаанбаатар луу Мөрөнгөөс өглөө эрт автобус явдаг болсон тул зорчигчид авто тээврээр үйлчлүүлэх нь нэмэгдсэн аж.

Эх сурвалж: Шуурхай.мн