Дөрөвхөн настай охиноо хөнөөсөн хэрэгт буруутгагдаад буй Т.Цогт, талийгаач охины хойд эх Г.Маралмаа  нарт холбогдох шүүх хурал өнөөдөр болж байна. Шүүх хурал хэд хэдэн удаа хойшилж өнөөдөр эхэлмэгц шүүгдэгч  Г.Маралмаа хурлыг хойшлуулах хэд хэдэн хүсэлт гаргасан боловч бүтэлгүйтсэн. Улмаар шүүх хурал шүүгдэгч нарын биеийн байцаалтыг уншиж танилцуулсанаар үргэлжилсэн.  Улсын яллагчийн зүгээс Г.Маралмааг хүний амь насыг онц хэрцгий аргаар, биеэ хамгаалж чадахгүй байгааг нь мэдсээр байж  хөнөөсөн хэмээн буруутгаж, 15-20 жил хүртэл хугацаагаар хорих ял төлөвлөөд байгаа. Мөн түүний хамтран амьдрагч гэх Т.Цогтын яллаж байсан зүйл ангийг өөрчилж, хүний амь насанд санаатайгаар халдсан хэрэгт буруутгаж байгаа юм.

Тэгвэл дөнгөж сая улсын яллагч Д.Цолмон болсон хэргийн талаар шүүх танхимд уншиж, Т.Цогт, Г.Маралмаа нарт үүсгэсэн яллах дүгнэлтийг уншиж танилцууллаа. Одоогоор тэдэнд хэдэн жилийн ял төлөвлөснөө дуулгасангүй. Гэхдээ Т.Цогт, Г.Маралмаа нарын гэм буруутай тогтоогдвол хуулийн дагуу дээрхи ялыг оноох юм.

Эх сурвалж: Шуурхай.мн