ОХУ-ын нутаг дэвсгэрт газар хөдөлжээ. Сибирь, Буриад, Тувагийн нутгийг хамарсан бололтой.

Хамгийн хачирхалтай нь газар хөдөлсний ул мөр буюу, чичиргээ Улаанбаатарт мэдрэгдсэн байна. Тэгэхдээ шинэ хорооллын шилэн байшингууд л шажигнаснаас биш хуучин хорооллын хөх байрууд хэнэггүйхэн “унтаж” байсан аж. Энэ нэг юм хэлээд байх шиг санагдана.

Орчин үеийн гэх олон өндөр, чамин барилгууд ер нь газар хөдлөлтийг хэр тэсвэрлэх чадвартай юм бол. Сибирьт газар хөдөлсний төлөө шажигнахыг бодоход “хийморь”-гүй л эд бололтой. Нийслэл маань угаасаа газар хөдлөлтийн идэвхтэй бүсэд хамрагддагийг хэлэх үү.

Манай хуучин барилгууд долоон баллын газар хөдлөлт тэсвэрлэх чадвартай гэсэн. Тийм барилгууд чичрээгүй атал тэд чичирсэн нь осолтой санагдана. Нийслэлд газар хөдөлчихвөл ер нь яах бол, энэ өндөр үнэтэй гоёмсог барилгууд.
Г.Цэлмэг

(www.wikimon.mn)