Ашигт малтмалын арвин нөөцтэй гэгддэг Сэлэнгэ аймгийн Ерөө суманд аж ахуйн нэгжүүд хууль бусаар алт олборлосон тохиолдол өнгөрсөн жилүүдэд дуулддаг байв.

Гэвч хууль бус ажиллагаа дахин үргэлжилж байгаль орчин сүйдэж байгаа хэргийг цагдаа нар шалгаж байна.

Сэлэнгэ аймгийн Ерөө суманд “Баянсуут” компани хууль бусаар алт олборлож байгааг тогтоожээ. Зохион байгуулалттай гэмт хэрэгтэй тэмцэх газрын Байгаль хамгаалах журмын эсрэг гэмт хэрэгтэй тэмцэх хэлтсээс тус компанийн захирал Ц.Баярцогтод эрүүгийн хэрэг үүсгэн шалгаж байгааг эх сурвалж мэдээлэв.

“Баянсуут” компани Сэлэнгэ аймгийн Ерөө сумын Могойн гол, Ялбаг гэх газарт 2012 оноос нөхөн сэргээлт нэрээр алт олборлож байсныг өмнө нь мэргэжлийн хяналт, цагдаагийн байгууллага тогтоож байжээ.