Сагсан бөмбөгийн “3 эсрэг 3” оюутны Ази тивийн аварга шалгаруулах тэмцээн БНХАУ-ын Мүгдүн хотноо есдүгээр сарын 12-с эхлэн амжилттай үргэлжилж байна.
Тус тэмцээнд манай улсаас эрэгтэй, эмэгтэй тус бүр хоёр, нийт дөрвөн баг оролцсоноос гурав нь хагас шигшээд шалгаран үлдэж эрэгтэй 1-р баг хэсэгтээ Филиппин, Хонконг, БНХАУ-ын багуудыг дараалан хожин хэсгээ тэргүүлснээр хагас шигшээд Ираны багтай тоглох болсон. Мөн эрэгтэй 2-р баг хэсгээ тэргүүлж, БНХАУ-ын багтай шигшээд өрсөлдөх эрхийн төлөө тоглох эрхийг авлаа.
Эмэгтэй 1-р баг хагас шигшээд үлдээд байгаа билээ. Тэмцээний хуваарь ёсоор өнөөдөр тоглолтгүй бөгөөд маргааш хагас шигшээ тоглолтууд болж, шигшээд өрсөлдөх багууд тодорно.

Н.Буянжаргал