Европын аюулгүй байдал хамтын ажиллагааны байгууллагын парламентийн ассамблей  \OSCE-PA\-Н  хуралтай холбоотойгоор зарим замуудыг хаахаар болжээ.

Тодруулбал, энэ сарын 15-19-ны өдрүүдэд Европын аюулгүй байдал хамтын ажиллагааны байгууллагын парламентийн ассамблей  \OSCE-PA\-Н  хурал зохион байгуулагдах  “Shangri-La” зочид буудлын орчмын зам, Гэрлэх ёслолын ордоны зүүн талын гэрэл дохиотой уулзвараас баруун тийш Хүүхдийн ордоны баруун уулзвар хүртэлх замыг бүрэн хааж тээврийн хэрэгслийн хөдөлгөөнийг түр хугацаагаар хязгаарлахаар болсон байна.

Мөн Туушин зочид буудлын замыг маргааш оройн 22.00 цагаас 16-ны 00:00 Цаг хүртэлх хугацаанд Спортын ордоны баруун уулзвараас Төрийн ордоны зүүн уулзвар хүртэлх замыг бүрэн хаахаар болжээ.

Тиймээс замын хөдөлгөөнд оролцогчдыг тухайн өдрүүдэд нийтийн тээврийн хэрэгслийг сонгож замын хөдөлгөөнд оролцох. Цагдаагийн алба хаагчийн хууль ёсны шаардлагыг биелүүлэн Авто радио 96.3-тай хамт байж замын хөдөлгөөнд оролцохыг Замын цагдаагийн газраас анхаарууллаа.

Шуурхай.мн