УИХ-аар хаалттай хэлэлцэж баталсан Өршөөл үзүүлэх тухай хуулийн төсөлд Ерөнхийлөгч хориг тавьсан билээ. Тодруулбал, Эрүүгийн хуулийн долоон заалтыг өршөөх 4.1, 7 дугаар заалтад хориг тавьсан.Гэвч уг асуудлыг өнгөрөгч даваа гарагт хэлэлцэх үед УИХ дахь “Шударга ёс” эвсэл завсарлага авч, хуулийн төслийн хоригийг ирэх долоо хоногийн мягмар гарагт дахин хэлэлцэхээр болсон юм. Хуулийн төсөл анхнаанаа МАХН-ын дарга Н.Энхбаярт зориулагдсан гэх хардлагыг тэд улам батжуулж өглөө.

Юутай ч АН-ынхан Ардчилсан Ерөнхийлөгчөөсөө сөрөхгүй байхаар шийдсэн бололтой. Учир нь асуудлыг 180 градус өөрчилж, өөрийн хүссэн шийдвэрээ гаргуулж чаддаг УИХ-ын дарга З.Энхболд өршөөлийн хуульд тавьсан хоригийг хүлээж авах ёстой гэсэн байр суурийг илэрхийлжээ. Тэрбээр энэ байр сууриа ч ирэх мягмар гарагт хадгалах гэнэ. УИХ-ын даргын хэлсэн үгийг доорхи бичлэгээс үзнэ үү.