Таван ханатай гэрт амарч байсан таван иргэний амийг аварчээ. Тодруулбал, Налайх дүүргийн Замын цагдаагийн тасгийн ахлах ахлагч Ц.Энхбаатар, Хэв журам, эргүүл хамгаалалтын албаны ахлах ахлагч Ц.Эрхэмбаяр нар шөнийн эргүүлд ажил үүргээ гүйцэтгэж байгаад Налайх дүүргийн гуравдугаар хорооны дэнжид гал гарч байгааг мэдсэн байна.

Тэднийг хэргийн газар очиход барилгын материалтай чингэлэг дэлбэрч, таван ханатай гэрийн араас гал авалзсан байж. Шөнийн 02,00 цаг болж байсан учир гэрийн эзэд гэртээ унтаж байсан гэв. Тэд алба үүргийнхээ дагуу цаг алдалгүй ОБЕГ дуудснаар гэр бүлийн таван гишүүний амь насыг дэлбэрэлтээс аварч чаджээ.