2008 оны долдугаар сарын нэгэнд жагсагчдыг хөөж, буудсан гэх алуурчин «хар машин»-ны сураг юу юугүй алдрах гээд байна.

Жагсагчид, хохирогчид, жагсаал зохион байгуулагчид, хохирсон намынхан гээд хүн бүхний ярьдаг энэ «хар машин»ыг яагаад ингэж далдалж, нууцалж, хав дарах гээд байна вэ. Бүр Х.Тэмүүжин гишүүн цагдаагийн тэмдэглэлээрээ «хар машин»-ыг огт байхгүй мэтээр үгүйсгэх болсон. Уг нь хүн буудаж алсан энэ алдарт «хар машин»-ыг олох их амархан.

Зарим хүмүүсийн яриагаар долдугаар сарын нэгэнд үзэгдээд алга болсон тусгай тоноглолтой «хар машин» ТЕГ, ЭЦГ-ын мэдэлд ганц нэгхэн байгаа гэж дуулддаг. Тэгвэл цагдаагийн байгууллагаас гадна ийм хар машин хөлөглөх боломжтой хүн .

Монголд тоотой хэд бий. Тухайлбал машин цуглуулж, баярхах өвчтэй ЗТБХБ-ын сайд «Женко» Х.Баттулга, <Буян»-гийн Б.Жаргалсайхан, УИХ-ын гишүүн Ш.Сайхансамбуу, «Ажнай»-н Д.Бат-Эрдэнэ, «Алтай констракшн»-ы Х.Бат-Эрдэнэ гээд гарын арван хуруунд багтах хэдхэн хөрөнгөтөн байдаг.

Тэгэхээр алдарт алуурчин «хар машин»-ыг мундаг хар машин хөлөглөдөг энэ хэдээс хайгаад үзвэл яасан юм бэ?

Ялангуяа «Буян»-гийн Б.Жаргалсайхан «хар машин» нь эзэн байж болох хамгийн өндөр магадлалтай хүн. Тэрбээр сонгууль шударга бус явагдсан хэмээн эсэргүүцэж, Ж.Батзандан, О.Магнай нартай нийлэн жагсагчдыг уриалж байсан шүү дээ.

Тиймээс хүн хөөж буудсан алуурчин «хар машин»-ыг хүчнийхэн гэж байхаар баячуудаас хайвал яаж байна. Ямар нэгэн сураг гарч магадгүй шүү.

С.Эрдэнэ
Эх сурвалж: “Нийгмийн толь”