Эх дэлхийн сайхан бүсгүйчүүдтэй нэг тайзнаа гарч Монголынхоо нэрийг олон улсад дуудуулсан мисс Т.Батцэцэгтэй ярилцлаа. Ливан улсын Бейрут хотноо ирэх сард болох олон улсын моделийн тэмцээнд түүнийг урьжээ.

-Ажлын хажуугаар гадаадад сургуульд сурч байгаад ирлээ.

-Ливан улсын Бейрут хотноо ирэх сард болох гэж буй “Top model International 2015” тэмцээнд бид Монголоос анх удаа оролцох гэж байна. Топ модель Х.Бадамгэрэл, Э.Энхтүвшин, Б.Билгүүн бид энэ удаагийн тэмцээнд нэг баг болон оролцох юм. Одооноос тэмцээндээ бэлтгэж байна. Зав муутай байгаа болохоор хангалттай бэлтгэж чадахгүй юм. Гэхдээ туршлагатай болохоор гайгүй оролцох байх гэж бодож байна.

-Загварын карьераа хөөхийн зэрэгцээ мэргэжлээрээ нэгэн байгууллагад ажилладаг.

-Гоо сайхан гэхээр хүмүүс хамгийн түрүүнд гадаад үзэмжийн талаар боддог. Харин миний бодол арай өөр. Гоо сайхан гэдэг ойлголтод гадаад үзэмжээс гадна мэдлэг боловсрол, өөрийгөө илэрхийлэх чадвар зэрэг олон зүйл багтдаг. Хүн болгонд давтагдашгүй чанар бий. Ер нь муухай хүн гэж байдаггүй. Түүнээс гадна хүнд дотоод гоо сайхан гэж байдаг. Би хувьдаа хүн гадаад үзэмжээс илүү сайхан сэтгэлтэй байх хэрэгтэй гэж боддог. Аливаа зүйлийг зөв талаас нь харж, сайн энергитэй байхыг дотоод гоо сайхан гэж боддог доо.

-Баярлалаа. Би чамирхаж, гангарах дургүй. Байгаагаараа, энгийн байхыг илүүд үздэг.

-Ээжээсээ үлгэр дуурайлал авдаг. Угаасаа охин хүүхэд ээжээсээ байнга суралцдаг. Ээж шигээ болохыг хүсдэг шүү дээ. Би юмны наад цаад учрыг олж, багаасаа бие даасан. Ээж маань биднийг тэвчээр, хатуужилтай хүн болгож өсгөсөн. Ер нь авах гээхийн ухаанаар хандаж, бүх зүйлээс суралцахыг заасан.

-Арван жилд байхдаа сагс, волейбол тоглодог, нийгмийн үйл ажиллагаанд идэвхтэй оролцдог хүүхэд байлаа. Сургуулийнхаа сагсан бөмбөгийн шигшээ багт тоглодог байсан, дэд мастерын зэрэгтэй. Сүүлийн үед сагс тоглохоо больсон. Гэхдээ сагс тоглож байгаа хүнийг харахаар өөрийн эрхгүй тогломоор санагддаг.

-Үгүйсгэдэггүй. Хүн хүнд таалагдахын тулд амьдардаггүй. Хэрвээ тэгж амьдарвал амьдрал утгагүй болох байх. Косметик хагалгаа хийлгэсний дараа өөрөөсөө маш сайхан мэдрэмж авдаг байж болно шүү дээ. Магадгүй өөртөө итгэлтэй болж, амьдралд хандах хандлага нь ч өөрчлөгддөг байх. Тийм болохоор тэднийг буруутгахгүй байх нь зөв юм болов уу гэж боддог.

Харин би хувьдаа косметик хагалгаа хийлгэхгүй гэж боддог. Ер нь тийм хагалгаа хийлгэнэ гэж бодохоор л эмээгээд байдаг юм. Мөн косметик хагалгааг янз бүрийн шалтгаанаас болж хийлгэдгийг бид ойлгох хэрэгтэй. Эрүүл мэндийн хувьд косметик хагалгааг зайлшгүй хийлгэх шаардлагатай байж болно. Осолд орох, санаандгүй ахуйн гэмтлээс болоод гоо сайхан нь асуудалтай болсон хүн байдаг. Тиймээс үүнийг ганцхан талаас нь хараад шүүмжилж болохгүй.

-Энэ талаар байнга боддог. Тэгээд аз жаргалтай, сайхан гэр бүлтэй байх нь амьдралын үнэ цэнэ гэж бодох болсон. Бас байгаа зүйлдээ сэтгэл хангалуун байх нь чухал.

-Гэр бүл, ээж минь миний аз жаргал юм даа. Энэ утгаараа би хамгийн баян байна. Монголынхоо ард түмнээр хүндлүүлж, хайрлуулах хувь тавилантайдаа талархдаг. Ер нь би байгаа зүйлдээ талархаж амьдардаг.

-Бодож байгаа зүйл олон бий. Цэцэрлэгийн хүртээмж муу байгаа газрын хүүхдүүдэд туслах талаар бодож байна. Тэр дундаа хотын захын дүүрэгт цэцэрлэг бариулж өгнө гэж боддог. Миний энэ бодол хэзээ нэгэн цагт ажил хэрэг болно гэдэгт итгэж байна.

-Кинонд дүр бүтээх саналууд тавьдаг. Ихэвчлэн эерэг дүр ирдэг. Ер нь түүхэн кинонд тогловол гоё юм шиг санагддаг. Саяхан надад “Марко Поло” кинонд тоглох санал ирсэн. Тухайн үед гадаадад байсан болохоор киноны шалгаруулалтад оролцож чадаагүй.

-Явахгүй гэж шийдсэн.

-Би төрсөн өдрөө сүр дуулиантай тэмдэглэдэггүй. Энэ жилийн төрсөн өдөр тэмдэглэхдээ зарцуулах гэж байсан мөнгөөрөө хичээлийн хэрэглэлээ бэлтгэх боломжгүй хүүхдүүдэд туслахаар болсон. Өрх толгойлсон ээжүүд, олон хүүхэдтэй айлд бага ч атугай тусалъя гэж бодсон. Сүүлийн хэдэн жил төрсөн өдрөө тэмдэглэе гэж бодсон ч чадаагүй. Жил бүрийн наймдугаар сараас тэмцээн эхэлдэг. Тиймээс төрсөн өдрөө онгоцонд угтдаг байсан юм.