Шуурхай.мн | АТГ-т шалгагдаж байгаа эрүүгийн 45 хэрэг өршөөлд хамрагдахаар байна

Aug 10, 2015 4 comments

АТГ-т шалгагдаж байгаа эрүүгийн 45 хэрэг өршөөлд хамрагдахаар байна

нийтлэсэн Admin

ATG Авлигатай тэмцэх газрын Мөрдөн шалгах хэлтэст одоогийн байдлаар эрүүгийн 55 хэрэг шалгагдаж байцаан шийтгэх ажиллагаа хийгдэж байгаа аж. Эдгээрээс 45 хэрэг нь УИХ-аар хэлэлцэж байгаа Өршөөл үзүүлэх тухай хуулийн үйлчлэлд хамрагдахаар байгаа юм.

Учир нь хэвлэл мэдээллийн хэрэгслээр ил болсон Өршөөл үзүүлэх тухай хуулийн төслийн 9 дүгээр зүйлд өршөөлд хамааруулахгүй нөхцөл байдлыг тусгасан байх ба үүнд зөвхөн Хээл хахууль авах /Эрүүгийн хуулийн 268 дугаар зүйл/, Хээл хахууль зуучлах /Эрүүгийн хуулийн 270 дугаар зүйлийн 270.2 дахь хэсэг/ гэмт хэрэг үйлдсэн этгээдийг өршөөлд хамааруулахгүй байхаар заажээ. Төрийн болон төрийн өмчит аж ахуйн нэгжийн албан тушаалтны албан тушаалын эрх мэдлээ урвуулах, хэтрүүлэх гэмт хэргүүд өршөөлд хамрагдахаар төсөлд тусгагдсан байна.

Өршөөлийн хуулийн үйлчлэлд хамрагдаж буй эрүүгийн 45 хэргийн улмаас улсад учирсан хохирлын нийт хэмжээ 12 тэрбум 243 сая төгрөг байна. Түүнчлэн Өршөөл үзүүлэх тухай хууль батлагдсанаар хуульд заасан хугацаанаас өмнө үйлдэгдсэн авлига, албан тушаалын гэмт хэрэг илэрсэн ч эрүүгийн хариуцлага хүлээлгэх үндэслэлгүй болох аж.

Эх сурвалж: MNB.mn

ЭЭНЭЭ (August 10, 2015 10:00:31 am )

Төрийн болон төрийн өмчит ААН -д тангараг өргөн ажиллаж байгаа хүн албан тушаалын эрх мэдлээ урвуулан , хэтрүүлэх гэмт хэрэг үйлдсэн бол өршөөлын хууль гаргаж, ямарч ёс зүйгүй байж хэрхэвч болохгүй Монголд хууль гэж байна уу Төр гэж байна уу .Өөрсдөө идэж уугаад өөрсөддөө зориулж хууль гарга гэж УИХ-д 76 мангааг сонгоогүй шүү ард түмэн .Хуулийг гууль болгодогоо одоо зогсоомоор юмаа арай дэндэж байнаа .Тоглоом тоотой нь дээр шүү.Өршөөлын хуулиа татаж ав!Буруу замаар будаа тээсэн АН,МАН 2 одоо болиочээ .Бидний тэвчээрийг бүү бар,Ядарч цөхөрч байнаа