Энэ жил өмнөх жилүүдтэй харьцуулахад хуурайшилт ихтэй, хадлангийн гарц муу байгаа зэргийг шалтгаалан үзэж, малчдыг дэмжих зорилгоор арьс шир, ноосны урамшууллыг бүх малчдад олгох шийдвэр гаргаснаа Хүнс хөдөө аж ахуйн сайд Р.Бурмаа өчигдөр “Сайдын цаг” уулзалтад оролцохдоо хэллээ. Өмнө нь малчдад олгох ноосны урамшууллыг зөвхөн хоршоолол байгуулж, хоршоололд элсэн орсон гишүүнд өгдөг байсан бол энэ жил онцгой жил хэмээн үзэж  ноосны урамшууллыг бүх малчдад олгохоор болжээ.