Хотын төвлөрлийг багасгахын тулд нийслэлд байгаа авто машины захуудыг хотоос нүүлгэхээр болсон. Уг ажлын хүрээнд авто худалдааны цогцолборын ажлыг эхлүүлээд байгаа юм. Тэгвэл тус худалдааны төвийн эхний ээлжийн ажлыг дуусгаж улсын комисст хүлээлгэн өгсөн бөгөөд хариу нь хараахан гараагүй байгаа аж. Төлөвлөгөө ёсоор өнгөрсөн сард эхний ээлжийн 6000 гаруй автомашины зогсоол бүхий хэсгийг ашиглалтад оруулах байсан ч ажил удааширснаас одоо л тохижилтын ажил дуусч байгаа гэнэ.

Мөн цогцолборыг ашиглалтад оруулахын тулд 22-ын товчооноос Авто худалдааны цогцолбор хүртэлх 1.5 км авто зам барихаар тухайн орчмын замыг хэсэгчилж хаагаад байна. Замын ажил ирэх сарын 25-нд дуусах төлөвлөгөөтэй байна.