“Хайрын  дууч” гэгддэг байсан дуучин С.Сэрчмаа хувийн амьдралдаа огцом өөрчлөлт хийж Баярт гэгч өвөрлөгч залуутай гэрлэн шуугиан тарьж байсан билээ. Өвөрмонголдоо толгой баян, хөрөнгөтэй бизнесмэн өвөрлөгч эртэй сүр дуулиантай хурим найр хийж хөөрхөн охинтой болсон ч хосууд удалгүй хоёр тийш болсон. Анхны амьдрал нь бүтэлгүйтэж эр нөхрөөсөө салсан С.Сэрчмаа эх орондоо эргэн ирж уран бүтээлдээ орсон. Өнгөрсөн онд “Үнэн үү” ток шоуны хөтлөгч Нба буюу Нямбаяртай “Nb and Sally” цахим нэвтрүүлэг хийж үзэгчид болоод шүтэн бишрэгчдээсээ өндөр үнэлгээ авах болсон. Хэсэгтээ л хувийн амьдралаа хойш нь тавьж өрх толгойлсон эмэгтэйн амьдралаар амьдарсан дуучин бүсгүй маань саяхнаас шинэхэн хайртайгаа учирсан бололтой. Тэрээр шинэхэн амраг, хөөрхөн охинтойгоо хамтдаа цагийг өнгөрүүлж аз жаргалдаа умбаж яваа сурагтай. Тэгвэл дууч шувуухай маань сүүлийн үед нэлээдгүй жин нэмсэн харагдах болов. Түүнийг харсан зарим нэг нь хөл хүнд болсон уу эсвэл жин нэмж махалсан уу гэдгийг ялгаж харах гэж хичээх болсон гэнэ. Тэрээр ямар нэг арга хэмжээ, уулзалтанд гэдсээ халхалсан нэвсгэр даашинз, цамц өмсөж явах болсон гэнэ.

Эх сурвалж: Шуурхай.мн