Өнгөрсөн наймдугаар сарын 20-оос хойш жолооны үнэмлэх хэвлэгдэхгүй нэлээдгүй. Учир нь үнэмлэхний бэлдэц нийлүүлдэг компани бараа материалаа хугацаанд нь нийлүүлж чадахгүйгээс ийнхүү үнэмлэх хэвлэгдэхгүй тасалдаад байгаа аж. Замын цагдаагийн газар DMIT компанитай 2007 оноос гэрээ байгуулан ажиллаж байгаа бөгөөд тус компани нь жолоочийн үнэмлэх хэвлэх, принтер, принтерын хор, дагалдах хэрэгсэл, үнэмлэх хэвлэх карт, жолооны үнэмлэх шалгадаг төхөөрөмжийг нийлүүлдэг юм байна.
Өмнө нь үнэмлэх хэвлэх бэлдэц дуусч 25 мянган бэлдэц нийлүүлсэн боловч нууцлалын бүрхэвчийг дутуу нийлүүлснээс 3 000 гаруй үнэмлэх хэвлээд дахин зогсоод байгаа бөгөөд одоогоор 10 мянга гаруй жолоочийн үнэмлэх хэвлэгдээгүй хүлээгдэж байгаа аж.
Энэ талаар Замын цагдаагийн газраас DMIT компанид удаа дараа шаардлага тавьж байгаа боловч нууцлалын бүрхэвчийг хэзээ нийлүүлэх нь тодорхойгүй байна. Он гарсаар хоёр ч удаа бэлдэц материал, принтер төхөөрөмжийн үйл ажиллагаа тасалдсан аж.
Н.Батаа
Холбоотой мэдээ
Comments are closed.