Сүхбаатарын талбай өнөөдөр хөл ихтэй байх нь ээ. Монгол Улсын Ерөнхийлөгч Ц.Элбэгдоржид Сири, Беларусь, Сири, Миянмар, Палестин улсуудаас Монгол Улсад суух Элчин сайд нар Итгэмжлэх жуух бичгээ өргөн барьсантай холбогдуулж, угтан авах ёслолын ажиллагаа 10.40 цагт болно.

Нийгмийн хамгаалал, хөдөлмөрийн яамнаас мөн Сүхбаатарын талбайд “Нээлттэй хаалганы өдөр” зохион байгуулах гэж байна. “Нээлттэй хаалга”-ны өдрөөр тус яамныхан иргэдэд ажлын байр санал болгохын зэрэгцээ ажилд зуучилж өгнө. Мөн мэргэжлийн сургалт үйлдвэрлэлийн төвд бүртгүүлж, ажил, мэргэжилтэй болохыг зорьж байгаа залуус Сүхбаатарын талбайг зорьж, болох нь. Ахмад настны болон халамжийн тэтгэвэр тогтоолгохоор хаана, хэнд хандахаа мэдэхгүй яваа бол “Нээлттэй хаалганы өдөр”-т зочлоорой. Та бүхэнд ямар бичиг баримт бүрдүүлж, хаана, хэнд хандах ёстой талаар зөвлөгөө өгч, зарим талын үйлчилгээг үзүүлэх юм байна.

Г.Дарь