Ирэх долдугаар сарын 7-ноос эхлэн автобусны ухаалаг карт худалдаанд гарч иргэд нийтийн тээврээр билет авах шаардлаггүйгээр зорчих юм. Одоогоор автобусанд карт унших төхөөрөмжийг суулгах, карт борлуулах цэгийг байгуулах ажлууд хийгдэж байгаа гэнэ.  Ухаалаг систем эхний ээлжинд 500 мянган картын хамт ирэх аж.

Албаныхны мэдээллэж байгаагаар “U money” нэртэй автобусны картыг иргэд 3600 төгрөгөөр худалдан авах бөгөөд автобусны буудлууд дээр байрлах логотой ТҮЦ, худалдааны төвүүдээр 500-90 мянган төгрөгөөр цэнэглүүлэн хэрэглэх юм байна. “U money” карт нь хүүхдийн, энгийн, хөнгөлөлттэй гэсэн гурван төрөлтэй бөгөөд хөнгөлөлттэй картыг ахмад настан, цагдаагийн ажилтан, хөгжлийн бэрхшээлтэй, иргэд, оюутнууд ашиглах юм байна.

Эл ухаалаг картыг ашиглахдаа жолоочийн хажуугийн хаалгаар орж, картаа уншуулаад, арын хаалгаар буухдаа мөн уншуулах юм байна.

Эх сурвалж: Шуурхай.мн