Өдгөө 53 настай холливудын алдарт жүжигчин Жим Керри шинэхэн амрагтайгаа учиржээ. Тэрээр өөрөөсөө үе мултарсан 28 настай хөөрхөн Ирланд бүсгүйтэй болзож эхэлсэн гэнэ. Тэрээр Жим шинэ найз бүсгүйтэйгээ өнгөрөгч амралтын өдрүүдээр Нью-Йоркийн гудамжаар зугаалж байгааг папарацичдын дуранд өртжээ.

Хосууд анх 2012 онд дотносож эхэлсэн бөгөөд удалгүй хоёр тийш болж байжээ. Энэ үеэр Жим “Тийм ээ, би үнэхээр л нэгэн Ирланд бүсгүйтэй үерхэж байсан. Гэхдээ бид хоёр одоо салсан. Харин тэр үнэхээр эгдүүтэй бүсгүй шүү” гэж хэлж байсан юм. Салсан ч хосууд эргэн нийлсэн нь энэ аж.