ОХУ-ын Эрхүү хотноо Ялалтын баярт зориулсан сонирхогчдын боксын олон улсын тэмцээн боллоо. Уг тэмцээнд манай улсаас нийт 30 тамирчин оролцжээ. Манай улсын тамирчид эмэгтэй, эрэгтэй насанд хүрэгчид, залуучууд, өсвөр үе гэсэн төрлүүдэд өрсөлдсөн бөгөөд дөрвөн алт, дөрвөн мөнгө, есөн хүрэл медаль хүртсэн өндөр амжилт гаргасан байна.

    Насанд хүрэгчдийн ангилалд эрэгтэйчүүдийн 64 кг-д өрсөлдсөн  “Ширэн бээлий” клубын тамирчин Г.Баярхүү алтан медаль хүртэн төрийн дууллаа эгшиглүүлсэн бол эмэгтэйчүүдээс 51 кг-д хүч сорьсон ОУХМ М.Нандинцэцэг алтан медаль хүртэн тус тэмцээний шилдэг тамирчин болжээ.

    Мөн залуучуудын ангилалд 60 кг-д Мишээлт, өсвөр насанд Мөнхболд нар аваргын болзол хангаж бахдам амжилт үзүүлжээ.