“Глоб кредит” хадгаламж зээлийн хоршооны үүсгэн байгуулагч Ж.Мэндбаяр өнөөдөр мэдээлэл хийлээ. Тэрбээр 10 жил чанга дэглэмтэй хорих ялаар шийтгүүлэн суллагдаад байгаа юм. Түүнийг бусдаас хадгаламж авах, бусдад орон сууц барьж өгөх, бонд худалдах нэрийдлээр залилан хийсэн зэрэг хэрэгт буруутгасан юм. Ж.Мэндбаярын хувьд өөрийнх нь хөрөнгийг дуудлага худалдаагаар худалдахдаа багаар үнэлсэн, дөрвөн давхар барилгыг ганц өрөөнийх нь хэмжээгээр үнэлсэн. Иймд одоогийн зах зээлийн ханшаар үнэлүүлж, хөрөнгөө төлүүлэх хүсэлтэй байгаагаа хэлсэн юм.

Ж.Мэндбаярыг залилагч, луйварчин, Глобыг луйврын үүр уурхай мэтээр ойлгуулж, өөрийг нь 10 жилийн хорих ялаар шийтгэснийг үгүйсгэж хэлж байлаа. Мэндбаяртай холбоотой хүмүүсийн хөрөнгийг хивс хөргөгчөөс нь авахуулаад унаа тэрэг, хашаа байшин, байр, газар, байшин барилга гээд бүх хөрөнгийг хураан авч нийт 27 тэрбумаар үнэлэгдэх хөрөнгийг хоёрхон тэрбум болгон үрэгдүүлсэн учир тэрбээр уг асуудлын араас хөөцөлдөж, хөрөнгөө авна гэдгээ хэлэв.

Т.Болор