Монгол Улсын үндэсний шигшээ багийн тамирчин Т.Санчир эх орноо төлөөлөн Филиппин улсын мэргэжлийн лиг болох “PBA”-д тоглохоор тус улсыг зорьсон билээ. Түүний тоглох лиг Ази тивд хамгийн анх байгуулагдсан мэргэжлийн холбоо бөгөөд энэ онд 40 жилийн ойгоо тэмдэглэх гэнэ. Т.Санчир өнгөрсөн амралтын өдөр Филиппинд очсоны дараах анхны тоглолтоо хийсэн бөгөөд 14 дугаартай өмсгөлтэй тоглож байна. Түүний харьяалагдаж буй баг тус улсын “Cebuana” багийнхантай нөхөрсөг тоглолт хийж 100:89-ээр хожсон байна. Энэ тоглолтод Т.Санчир 25 оноо авчээ.