Хүний амьдралд сайнтай муутай олон зүйл тохиолддог. Өөрт учирсан зовлон бэрхшээлийг хүн гээч амьтан чадах чинээгээрээ тэмцэж даван туулдаг билээ. Өнөөдөр нэг нь инээж байхад нөгөө нь уйлж байдаг нь хорвоогийн жам гэлтэй. Энэ хорвоо дээр эрдэнэт хүний биеийг олон төрнө гэдэг атга будаа цацахад зүүний үзүүр дээр ганц нь тогтох магадлал буюу хосгүй их хувь заяа байдаг.  Хүмүүн заяанд төрсөн нэгний тавилан бүр тэгш заяадаггүй. Энэ хорвоод мэндэлчихээд бусдын адил жаргалыг амсаж чадахгүй байгаа бяцхан хүүд бүгдээрээ тусламжийн гараа сунгацгаая. Хоёр настай Сод-Эрдэнэ хүү ясны хэврэгшил эмгэгийн улмаас гар хөл, эгэм, аюулхай, нуруу олон удаа хугарч байнгын хавтгай дэрэн дээр өдийг хүртэл асрамжлуулсан байна. Маш ховор тохиолдох энэ өвчнийг Солонгосын Gandong  дахь Kyunghee их сургуулийн эмнэлгээс оношилж эмчлэх боломжтой болохоо мэдэгдсэн байна. Сод-Эрдэнэ хүү удахгүй ээжийнхээ хамт эмчилгээнд явна. Үеийнхээ нөхдийн адил гүйхсэн гэж мөрөөддөг хүүд бусдын адил амьдрах итгэл, урам хайрлая.  Бяцхан хүүд олон сайхан сэтгэлт хүмүүс тусламжийн гараа сунгаж байгаа бөгөөд “Sunday croup” хоёр сая төгрөгийн тусламж үзүүлсэн байна. Энэ мэтчилэн сайхан сэтгэлт ард түмэн минь сэтгэлийн дэм үзүүлвэл Сод-Эрдэнэ хүүд хөл дээрээ босож бусдын адил өсөж бойжих ирээдүй тун ойрхон байна.

Хандивын данс: Хаан банк: 5360399971, Голомт банк: 5405005585