Бүтэн долоон жил Америкт ажиллаж амьдарч байгаад ирсэн “Sweetymotion” хамтлагийн бүсгүйчүүд 30 хүрсэн гэхэд дэндүү залуу бие хаа ч төгс сайхан бүсгүйчүүд болсон.

Сарнай нь саяхан маамуулсан ч иогийн хүчээр төрөөгүй мэт гуалиг хэвээрээ байгаа нь олон бүсгүйчүүдийн атаархлыг төрүүлээд амжсан. Тэгвэл одоогоор ганц бие байгаа нөгөө хоёр гишүүн буюу Ганболор, Сүндэрээ хоёрыг монгол эрчүүд жинхэнэ залхааж байгаа сурагтай.
Байн байн танихгүй дугаараас хайртай дуртай гэсэн мессеж ирээд зарим нь бүр орцонд нь хүлээгээд, цэцэг илгээдэг бөгөөд эдгээр хайрын олон илэрхийллээс заримдаа дуучин бүсгүйчүүд залхдаг гэнэ. Ялангуяа Сүндэрээг гэх эрчүүдийн цуваа тасардаггүй.

Уран бүтээлээ хийгэд тайван амьдарч чадахгүй ийн таних танихгүй хүмүүсийн хайрын үгэнд булуулсан Сүндэрээ залхахдаа Америк руугаа буцах юмсан хэмээн санааширч суудаг болжээ. Ямартаа ч шинэ оныг эх орондоо угтахаар төлөвлөсөн учраас он гартал Сүндэрээ ийн хэцүү байдалд байх нь тодорхой болоод байна. Залхсан бүсгүй аягүй бол он гарангуут хоёрдахь эх орон руугаа нисэх биз ээ.

С.Ерөө