Сонгинохайрхан дүүрэгт бага ангийн найман настай охиныг хүчирхийлсэн жигшүүрт хэрэг гарсан байна. Тодруулбал, гэмт этгээд охиныг хичээлээ тараад харих замд нь дуудаж чихэр авч өгье хэмээн хуурч хүчирхийлжээ. Улаанбаатар хотын цагдаагийн газрын Онц хүнд, Зохион байгуулалттай гэмт хэрэгтэй тэмцэх газрын алба хаагчид шуурхай ажилсны дүнд бусармаг хэрэг үйлдэгчийг илрүүлэн шалгаж байна. Гэмт этгээд Сонгинохайрхан дүүргийн 22-р хороонд  оршин суух Ж гэгч байсан бөгөөд 1994 онд төрсөн 21 настай залуу байжээ. Түүнд Эрүүгийн хуулийн тусгай ангийн 126.3-т зааснаар бага насны хүүхдийг биеэ хамгаалж чадахгүй байдлыг далимдуулж хүчирхийлсэн гэсэн зүйл ангиар хэрэг үүсгэн шалгаж байна.