Өнгөрсөн шөнө хур тунадас орж замын хөдөлгөөнд багагүй хүндрэл учирч, замд хальтиргаа гулгаа үүсээд байна. Өнөөдөр явган зорчигч хоёр автомашинд мөргүүлж амь насаа алдсан харамсалтай хэрэг гарсан байна. БЗД-ийн нутаг Товчооны зам, Баянзүрх худалдааны төвийн хойд зам дээр Х.Сонота маркын автомашины жолооч Э, Т.Королла маркын М жолоочтой автомашинууд нь явган зорчигч 55 настай А-г мөргөж амь насыг нь хохироожээ.
Замын хөдөлгөөнд оролцож буй жолооч Та бүхэн тээврийн хэрэгслийн хурдыг замын зорчих хэсэг гадаргууны байдал, тээвэрлэж яваа ачаа, цаг агаарын нөхцөлд тохируулан хурдаа зөв сонгож анхаарал болгоомжтой замын хөдөлгөөнд оролцоорой.

Эх сурвалж: Шуурхай.мн