Дэлхийн сая сая хүнийг байлдан дагуулаад буй АНУ-ын “Netflix” компанийн бүтээл “Марко Поло” олон ангит киноны Монгол Улс дахь албан ёсны нээлтийн ажиллагаа 2015 оны гуравдугаар сарын 26-нд буюу өнөөдөр 18:00 цагаас “Хүннү молл” их дэлгүүрт болно.

Энэхүү киноны нээлтэд “Марко Поло” киноны зохиолч Жон Пуско болон Ерөнхий найруулагч Даниель Миннихан нарын гадны зочид төлөөлөгчид болоод жүжигчин СТА Б.Амарсайхан оролцох юм. Дэлхийн 20 орны 600 гаруй уран бүтээлч энэхүү түүхэн киног бүтээхэд оролцсон бөгөөд Холливудад анх нээлтээ хийсэн билээ. Тиймээс Монгол жүжигчин хамгийн анх Холливудад гарсан түүх энэ кинотой салшгүй холбоотой юм.

Эх сурвалж: Шуурхай.мн