Холливудын алдарт хосууд болох Дэвид Бэкхем, Виктория Бэкхем нар үлгэр жишээ сайхан гэр бүл гэдэгт дэлхий нийтээр хүлээн зөвшөөрдөг. Английн алдарт хөлбөмбөгчин Дэвид Бэкхемийн хэв маягийг түүний зохион бүтээгч эхнэр Виктория Бэкхем тодорхойлдог гэнэ. Тэрээр эхнэрийнхээ зөвлөж таалсан хувцасыг л өмсдөг байна. Энэ тухай нэгэн хэвлэлд өгсөн ярилцлагандаа  “Эхнэрийн маань өгсөн хамгийн шилдэг зөвлөгөө бол “ямар нэг зүйл”-ийг өмсөхгүй байх явдал. Юу өмсөх ёстойг маань тэр надад үргэлж хэлж өгдөг. Би ч үгэнд нь ордог юм. Би түүний үгийг дагадаг. Гэр бүл дотор ийм зүйл байх ёстой. Тэр надад ямар нэг зүйлийг ил шулуун хэлдэг хүн. Би ч түүнийг нь хүлээж авдаг. Тэр өөрийн загварын бизнесийг хөгжүүлээд зогсохгүй миний хэв маягийг 99 хувь хариуцдаг юм шүү” хэмээн ярьжээ.