50 нас хүрсэн ч гоо сайхнаа эрхэмлэгч бүсгүй бол Ганбууш буюу Н.Ган-Од.  Өнгөрсөн онд өөрийгөө төгс эмэгтэй болж чадлаа хэмээн тунхагласан. Солонгос улсын “Wonjin beauty medical group”–ээс зохион байгуулсан фото моделийн тэмцээнд шалгаран түүний нүүрэнд илэрсэн хөгшрөлтийн эсрэг болох унжсан арьсыг нь татсан аж. Мөн бага зэрэг далийсан хамрыг засангаа илүү эмэгтэйлэг болгож өөрчилсөн.

    Хамгийн сүүлд нь нүүрний хонхойж орсон хэсгүүдэд өөрийнх нь өөхнөөс авч, өөх суулгаад түүнд хийсэн хагалгаа дууссан билээ. Тиймээс өөрийг нь төгс эмэгтэй болоход нь чухал үүрэг үзүүлсэн “Wonjin beauty medical group”-ын нүүр царай болж яваа сурагтай. Тэрээр суртчилгааны зураг авалтанд орохоор Солонгос улсыг зорьсон бөгөөд Н.Ган-Одын зурагтай реклам, брошур хэвлэгдэн тарах гэнэ.

Мөн Н.Ган-Од нэгэн хэвлэлд өгсөн ярилцлагадаа өөрийнхөө өргөмөл хүүхдийн тухай илэн далангүй ярилцсан бөгөөд хүү нь өдгөө 2 хүүхэдтэй Францын иргэн болж тус улсад амьдардаг гэнэ. Түүнчлэн өөрөө хүнтэй сууж хүүхэд гаргах хүсэлтэй явдаг бөгөөд суух залуус ч байдаг гэнэ шүү. Тэрээр энэ тухай хэлэхдээ “Нэг хүүхэдтэй болох юмсан гэж. Надад гадаад хүнтэй суух боломж байна. Гэхдээ монгол залуус маань цаанаа л гоё. Найзууд маань ч хэлдэг. Гадаад хүмүүс их санаа муутай. Би ч өөрөө 18-тай биш, 20-той биш, ядахдаа 30-тай биш. Нэг хүн дагаад хүний нутаг руу явах сонирхол байхгүй. Тийм болохоор Монголдоо л байна. Яадаг юм бэ хэн нэгний нууц амраг л байна биз. Яагаад болохгүй гэж. Уг нь бол надтай суух залуу байна. Гэхдээ уучлаарай. Энэ бол сэтгэлийн хөөрлөөр шийдэх асуудал биш л дээ. Өдий болтол өөрийгөө яая гэж авч яваа хүн бас нэг хүнийг авч явах хэрэг алга. Боломжтой хүмүүс нь борлогдчихож. Тийм учраас чадаж байгаа юманд арга алга, чанга алхаж байгаа юманд хууль алга гээд л шийдсэн. Хэн нэгэн миний хажууд байна байх. Сэтгэлийн гоё найзууд байж болно. Ер нь бол хүүхэдтэй болох тухай бодож байна. Надад бас нэг өргөмөл хүүхэд бий” хэмээжээ.

Эх сурвалж: Шуурхай.мн