Бяцхан охин байхаасаа л урлагийн хүн болохыг мөрөөдөж Токиогийн хөгжмийн дээд сургуулийг төгссөн дуучин Нара Монголын рок поп ертөнцөд хэдийнэ байр сууриа тодорхойлсон билээ. Ээж болоод удаагүй байгаа бөгөөд өчигдөр болж өнгөрсөн валетиний баярыг ганц ч удаа тэмдэглэж үзээгүй тухайгаа цахим ертөнцийн найзуудтайгаа хуваалцсан байна. Тэрээр “Яг үнэнийг хэлхэд би энэ Валентиний өдөр гэдэг баярыг хэзээ ч гоё романтик юмуу эсвэл хайр цацруулан тэмдэглэж үзээгүй юм байгаам шд хахаха, ялангуяа сүүлийн 3,4-н жилийн энэ өдөр сэтгэлээр унаж гутарж шаналж байсан дурсамж л тод байна хэхэ бэлэг байтугай цэцэг ч авж үзээгүй гэвэл хүн үнэмшихгүй дээ гэхдээ би гаднаа аз жаргалтай хүн шиг л гандан бууралгүй явсаар жинхэнэ хайрыг өөрөө бий болгосон юм байна. Өнөөдөр ч бас хэнээс ч цэцэг авч хайрын үг сонсохгүй ч гэсэн надаар дүүрэн хайр бас намайг харах бүртээ чин үнэн хайр цацруулах нэгэн ханхүү байна. Хайр гэж миний хувьд энэ л байна энэ хайрандаа би хэмжээлшгүй их аз жаргалтай байна” хэмээжээ. Харин энэхүү постыг уншсан түүний шүтэн бишрэгч үү чухам хэн нь тодорхойгүй нэрээ нууцалсан нэгэн дуучин Нарад цэцгийн баглаа зүрхэн хэлбэртэй шоколад илгээсэн байна. Гэнэтийн бэлгэнд өртсөн дуучин маань баярласнаа илэрхийлж цахим хуудастаа ийн постолжээ.

Эх сурвалж: Шуурхай.мн