Төрийн хүүхдүүд сэмжилж сурсан юм чинь төрүүлсэн хууль н хэндээ ч үйлчлэх билээ.
Төсвийн мөнгө шамшигдуулсан хэргээр хоёр шатны шүүхээс 4.6 жилийн хорих ял сонсоод байсан ОБЕГ-ын дарга асан, генерал П.Даш, Нөөц бүрдүүлэлтийн газрын дарга асан Л. Алтангэрэл нарын хэргийг Хан-уул дүүргийн шүүхэд хэлэлцээд Өршөөлийн хуульд хамруулах шийдвэр гаргажээ. Яллагдагчаар татагдсан П.Даш, Л. Алтангэрэл нарт улсын яллагч О.Мөнхбаатар Эрүүгийн хуулийн тусгай ангийн 263.2 буюу төрийн албан хаагч эрх мэдэл албан тушаалаа урвуулан ашигласны улмаас аж ахуйн нэгж байгууллага иргэний хуулиар хамгаалсан эрх ашиг сонирхолд нөлөөлж, их хэмжээний хохирол учруулсан гэх үндэслэлээр төрийн алба хаших эрхийг нь таван жил хүртлэх хугацаагаар хасч, таван жилийн хорих ял оноох саналыг шүүх хуралдааны үеэр гаргажээ.
Түүнчлэн прокуророос тэдэнд Эрүүгийн хуулийн тусгай ангийн 150.3 буюу бусдын эд хөрөнгийг завшиж үрэгдүүлсэн гэдгээр ял сонсгох санал тавьсан юм. Гэвч шүүх бүрэлдэхүүн Эрүүгийн хуулийн 263.2, 273.2-т зааснаар П.Даш, Л. Алтангэрэл нарт тус бүрт нь 4.5 жилийн хорих ял оноож, хийсэн хэргийг нь Өршөөлийн хуульд хамруулснаар хэргийг хэрэгсэхгүй болгосон байна. Төсвийн мөнгийг шамшигдуулчихаад юу ч болоогүй мэт өршөөгдөөд гарчиж байгааг юу гэж ойлгох бэ. Өнөөгийн нийгэмд хууль нь гууль болжээ хөөрхий.
Холбоотой мэдээ
Comments are closed.