Өчигдөр  өглөө 10:00 цагийн үед  Баянзүрх дүүрэг Улиастайн гүүрэн дээр ноцтой осол гарч 10 гаруй хүн гэмтэж, хоёр хүн амиа алдсан харамсалтай хэрэг гарчээ. Тодруулбал, Налайхаас ирж байсан “Зил-130” ачааны машин, “Стана” маркийн микро автобустай мөргөлдөж, ослын улмаас “Стана” маркийн микро автобусанд сууж явсан 10 гаруй хүн бэртэж, микро автобусны жолооч нь газар дээрээ амиа алджээ. Харин нөгөө хүн нь зорчигч байсан уу үгүй юу гэдэг нь одоогоор тодорхойгүй байна. Ослын газарт Яаралтай түргэн тусламж 103-ын гурван машин ирж, гэмтэж бэртсэн иргэдийг эмнэлэг рүү авч явсан байна.

Эх сурвалжийн мэдээлж байгаагаар микро автобус гүйцэж түрүүлэх үйлдэл хийх гэж байгаад “Зил-130” ачааны машиныг мөргөж осол гаргасан байх магадлалтай байгаа бөгөөд нарийвчилсан шалгалт хийгдсээр байгаа юм байна. Амиа алдсан жолоочийн хувьд 1987 онд төрсөн, эхнэр хоёр хүүхдийн хамт амьдардаг байжээ. Ослын шалтгааныг тодруулахаар харьяа дүүргийн цагдаагийн хэлтэс ажиллаж байна.Эх сурвалж: Шуурхай.мн